ከይተመሃርኩ ትካል ከፊተ፡ ገንዘበይ ከሲረ።

ኣብ 2013 ካብ ደቡብ ሱዳን ልዕሊ ዓመት ሰሪሐ ዘዋህለልክዎ ገንዘብ ሒዘ ንዩጋንዳ መጺአ፡ ምስ ሓደ ዓርከይ ትካል ከፊትና። ዝኾነ ፍልጠት ወይ ናይ ወፍሪ መደብ ኣይነበረናን፡ እቲ ዓይነት ወፍሪ ድማ ዝኽእሎ ወይ ዝፈትዎ ዓይነት ስራሕ ኣይነበረን። ኣብ ሓጺር ግዜ እቲ ገንዘብ ጠፍአ። ናብ ደቡብ ሱዳን ተመሊሰ ከኣ እንደገና ተቖጺረ ክሰርሕ ጀሚረ።

እምብኣር ቀንዲ ምኽንያት ናይዚ ትምህርቲ እቲ ቅድሚ ገለ ዓመታት ዝኸሰርክዎ ገንዘብ’ዩ።

ድሕሪ’ዚ ኣጋጣሚ ደጊም ኣብ ዘይፈልጦ ወፍሪ ከየውፍር፡ ንዝፈልጦ ኩሉ ከኣ ንህዝብና ብትግርኛ ከካፍል ወሲነ።

ካብኡ ጀሚረ ኣብ ብዙሓት ሃገራት ከም ፕሮጀክት ማናጀር ኮይነ ሰሪሐ’የ። ካብ ዓባይ ብሪጣንያ ማስተርስ ዲግሪ ኣብ ምሕደራ ፕሮጀክት ወዲአ፡ ካብ ካምፓላ ድማ Train Up Institute ን Aklilu Habtemichael YouTube Channel ን መስሪተ።

ኣብዚ ዘለዉ ስልጠናታት ንኩሉ ዝተመሃርኩዎ፡ ዝመሃርኩዎ ኮነ ዝሰራሕኩዎ ዝተጋገኹዎ ዝተሃንጸ’ዩ።